Njoftim për media

Njoftim për media

Forumi për Iniciativa Qytetare (FIQ) njofton publikun se që nga 28 maj 2010 shpallë ftesën për aplikime për grante.

Në kuadër të programeve për dhënie të granteve, FIQ do të mbështes financiarisht organizatat joqeveritare, organizatat komunitare, grupet joformale, si dhe rrjetet të cilët mëtojnë të kontribuojnë në zhvillimin e gjithëmbarshëm të shoqërisë. Përmes këtyre programeve, FIQ ka për qëllim të ngrisë nivelin e angazhimit të qytetarëve në përmirësimin e cilësisë së jetesës, duke krijuar kështu komunitete të qëndrueshme, mjedis të pastër dhe partneritet të frytshëm mes komunitetit, shoqërisë civile, sektorit të biznesit dhe institucioneve të Kosovës.

FIQ do të ndajë grante në kuadër të këtyre programeve:
 Eko
 Qytetaria Aktive
 Ide të Veçanta 

Të bashkëngjitur me këtë njoftim, ju mund të gjeni edhe Ftesën për aplikim, e cila do të jetë e hapur nga data 28 maj 2010, ku shpjegon të gjitha detajet lidhur me programet,  kushtet e aplikimit, si dhe detajet tjera të nevojshme për të interesuarit.

FIQ është organizatë joqeveritare e përqendruar në sundimin e ligjit që punon për të rritur pjesëmarrjen e qytetarëve në proceset vendim-marrëse, për një rajon ballkanik të zhvilluar ku mbretëron paqa dhe drejtësia. FIQ është themeluar në vitin 2000 dhe gjatë këtyre dhjetë viteve, është angazhuar për të përmirësuar sundimin e ligjit, transparencën dhe llogaridhënien e qeverisë dhe forcimin e kapacitetit të shoqërisë civile në Kosovë. Këtë e ka bërë përmes diskutimeve, trajnimit, hulumtimeve dhe dhënies së granteve. Duke u angazhuar në projekte të drejtpërdrejta me qytetarët e Kosovës të përkatësive të ndryshme etnike e kulturore, FIQ ka përkrahur projektet, të cilat kanë kontribuar direkt në zhvillimin e komuniteteve.

Programet e granteve në FIQ mbështetën financiarisht nga fondacioni Rockefeller Brothers Fund (RBF).

Faleminderit!

Ferdinand Nikolla
Drejtor Ekzekutiv