RAPORT MBI AKTIVITETIN DYMUJOR

Nëntor - Dhjetor 2009

Sundimi i Ligjit

• Projekti –Siguria në shkolla , Kacanik dhe Hani i Elezit
• Fuqizimi i mbikëqyrjes publike të sundimit të ligjit në Kosovë- Monitorimi i implementimit të PVPE (Plani i Veprimit për Partneritet Evropian)
• Konferenca mbi implementimin e ligjit për armët – program i Safeplace-it

Grantet e dhëna

• Granti – Mobilizimi i komunitetit: Inkurajimi i rinisë në Shtërpcë për pjesëmarrje në zgjedhjet lokale

Zhvillimi i Filantropisë

• Ceremonia e dhënies së çmimit FIDES për Filantropinë Korporative në Kosovë

Publikimet

• Siguria në shkolla
• Funksionimi i administratës publike
• Ceremonia e dhënies së çmimit FIDES për Filantropinë Korporative në Kosovë

Komunikata për medie

• Titulli i komunikatës

Financimi dhe stafi

• Financimi
• Stafi

Sundimi i Ligjit

Projekti sigurisë në shkolla në Kaçanik dhe Hani të Elezit

Përmirësimi i sigurisë në shkolla dhe forcimi i ndjenjës së pronësisë qytetare për zgjidhjen e problemeve të sigurisë dhe për të krijuar një mjedis më të sigurt e një sistemi më efektiv arsimor, vazhdon të mbetet një ndër angazhimet e vazhdueshme të punës së FIQ-it.
Që nga viti 2005, organizata jonë ka zhvilluar disa projekte për përmirësimin e kushteve të sigurisë në shkollat tona të mesme. Mjet shumë i rëndësishëm në ngritjen e sigurisë në shkolla ka qenë vazhdimisht funksionimi i duhur i Këshillit të Nxënësve si dhe strukturat tjera të rëndësishme si: mësimdhënësit, drejtorët e shkollave, policia, drejtoritë edukative, OJQ-të dhe organet tjera komunale.
Gjatë muajve shkurt- nëntor 2009, FIQ në bashkëpunim me Këshillat e Nxënësve të gjimnazit “Skenderbeu” në Kacanik dhe  gjimnazit “Dardania” në Han të Elezit, është angazhuar në adresimin e problemeve të sigurisë në shkolla dhe ka arritur të zgjidhë disa nga problemet kryesore që janë identifikuar nga Këshillat e Nxënësve dhe përfaqësuesit e komunitetit të këtyre dy komunave. Në vijim, janë çështjet kryesore të cila FIQ i ka adresuar:

•    Shkollat duhet të ofrojnë punë aktive të Këshillit të Shkollës dhe mekanizmave në mënyrë që të mundësojë implementimin e plotë të “Kodit të Mirësjelljes“.  Ato duhet të krijojnë kushte për kultivimin e kulturës së debatit ndërmjet mësimdhënësve dhe nxënësve.
•    Ka nevojë urgjente për intensifikimin e bashkëpunimit ndërmjet institucioneve përkatëse: shkollave, Qendrave për Punë Sociale, shërbimeve korrektuese, policisë, prokurorisë, gjyqit dhe prindërve.
•    Institucionet Qendrore duhet të investojnë më shumë në shkolla dhe të jenë më të përgjegjshëm në hartimin e politikave për shkollat publike.  


Fuqizimi i mbikëqyrjes publike të sundimit të ligjit në Kosovë – Monitorimi i implementimit të PVPE (Planit të Veprimit për Partneritet Evropian)

Në nëntor 2009, financuar nga National Endowment for Democracy (NED) and Balkan Trust for Democracy (BTD), FIQ filloi një projekt me qëllim të plotësimit të zbrazëtirave në procesin e Kosovës drejt demokratizimit, duke adresuar pamundësinë momentale të shoqërisë civile dhe parlamentit për t’i ndërgjegjësuar institucionet.  Duke u përqendruar në sektorin e sundimit të ligjit në kontekstin e integrimit Evropian, ky veprim do të ngrisë përgjegjshmërinë e institucioneve në fushat ku ka më shumë nevojë, që ndërlidhen me një proces rreth të cilit ka konsensus të gjerë politik dhe me proceset dhe institucionet ekzistuese në mënyrë që ky veprim të jetë i qëndrueshëm. Ndër partnerët e FIQ-it në këtë projekt janë edhe: Instituti i Kosovës për Ligje/Prishtinë, Iniciativa për Progres (INPO)/Ferizaj, Qendra Kosovare për Bashkëpunim Ndërkombëtar (KCIC)/Gjilan, Akademia për Trajnim dhe Asistencë Teknike (ATTA)/Prizren, Zhvillimi i Komunitetit Mitrovica (CBM)/Mitrovicë, Qendra për Zhvillimin e Biznesit në Komunitet (CBDC)/Gjakovë, Syri i Vizionit (SiV)/Pejë
Duke u përqendruar në sektorin e sundimit të ligjit, projekti ngrit kapacitetin e shoqërisë civile aty ku qytetarët e Kosovës kanë nevojë më së shumti për t’i ndihmuar në të drejtat e tyre për qasje të lirë, të barabartë dhe të dobishme në sistemin e drejtësisë, pa dallim kombësie, gjinie, paaftësie apo pikëpamje politike; ky projekt poashtu do t’i ndihmojë mediet e Kosovës që të kenë rol aktiv dhe informues në monitorimin e përmbushjes së të drejtave njerëzore në sektorin e sundimit të ligjit.



Konferenca mbi implementimin e ligjit për armët– programi i Safeplace-it
Organizuar nga Saferworld dhe FIQ në koordinim me Departamentin për Siguri Publike të Ministrisë së Punëve të Brendshme të Republikës së Kosovës rreth 40 pjesëmarrës nga  Ministria e Punëve të Brendshme (MPB), Policia e Kosovës, Prokuroria e Qarkut, Konsulent i lartë nga UNDP për Komisionin Parlamentar për Punë të Brendshme dhe Siguri, Policia e EULEX, ZCN/ICO, UNDP, OSBE, ICITAP, Federata e Gjahtarëve, Shoqata e Gjahtarëve “Kaprolli” nga Prishtina, organizatat joqeveritare: KMDLNJ, Qendra Kosovare për Studime Gjinore, Instituti Kosovar për Media dhe Politika (KIMP), POL, ATRC, Universiteti Amerikan në Kosovë (AUK), Këshilli i Nxënësve të Ferizajt, dhe përfaqësues të komunitetit nga fshati Gërmovë, kanë diskutuar për sfidat e zbatimit të ligjit për armë, i cili është miratuar në Kuvend disa javë më parë.
Pyetjet më të shpeshta kanë qenë rreth legalizimit, ekzistimit ose jo të planeve të veprimit për zbatimin e strategjive, importit të armëve nga jashtë dhe kontrolleve kufitare, blerjes në treg të zi dhe legalizimeve, vazhdimit ose jo të lejeve të armëve për gjueti, hapjes së shitoreve për armët, etj.
Disa nga pjesëmarrësit kanë kërkuar që të fillohet sa më shpejtë me zbatimin e ligjit pasi që zbrazëtirat ligjore në rregulloren e UNMIK-ut kanë qenë të dëmshme dhe këto zbrazëtira në të shumtën e rasteve pa asnjë të drejtë i janë “veshur” qytetarëve dhe institucioneve të Kosovës.  
Debati me të njëjtën temë është mbajtur dhe në Gjilan me datë 10 dhjetor 2009, në Prizren me datën 22 Dhjetor dhe në Ferizaj me datën 23 dhjetor.

Grantet e dhëna

Në nëntor 2009, FIQ i dhuroi një grant prej 5000 € një OJQ-je lokale në Shtërpcë, ‘Futura Plus’ për të përkrahur fushatën e vetëdijesimit dhe informimit me qëllim të inkurajimit të rinisë në Shtërpcë për të qenë pjesëmarrës në zgjedhjet lokale të nëntorit/ dhjetorit. Përderisa shumë probleme ekonomike dhe pragmatike e ngarkojnë këtë komunë siç janë privatizimi i papërfunduar, ndërtimet ilegale, mjedisi kërcënues dhe papunësia në shkallë të lartë, pjesa më e madhe e popullatës serbe janë të preokupuar me çështjet te identitetit kombëtar.  a qëndron kjo me të vërtetë apo ky është një imazh i shtrembëruar i shqetësimeve të vërteta që ata kanë? Nëse po, atëherë ka mundësi të mëdha që ata të votojnë në zgjedhjet lokale të cilat shërbejnë për zgjidhjen e çështjeve  të ekonomisë lokale, mjedisit, planifikimit urban etj.  Ky projekt  ka për qëllim të shtrojë këto çështje dhe t’i edukojë qytetarët për t’i shprehur shqetësimet e përditshme. Qytetarët dhe fshatarët e komunave përfaqësojnë audiencën në këtë projekt, ndërsa rinia serbe e Shtërpcës përfaqësojnë protagonistët e projektit. Domethënë, qytetarët e rinj të edukuar dhe të pavarur politikisht do të shfaqin pikëpamjet e tyre të lira për zgjedhjet lokale duke marrë pjesë në debate. Emisionet do të krijohen për secilin debat dhe do të shfaqen dy herë në javë në radio. Kështu, qytetarët do të pranojnë kompetenca të reja nga autoritetet lokale, duke shpresuar që kjo do të rezultojë në pjesëmarrje me të madhe nga ana e popullatës serbe.”

Zhvillimi i Filantropisë

Dhënia  e çmimit FIDES për Filantropinë më të mirë Korporative në Kosovë

Forumi për Iniciativa Qytetare, i mbështetur nga Fondacioni Rockefeller Brothers, mbajti ceremoninë e çmimit FIDES 2008-2009 për Filantropinë më të mirë Korporative në Kosovë. FIDES çmimi është i pari i këtij lloji që jepet në Kosovë dhe simbolizon falënderim publik për kompanitë dhe ndërmarrjet të cilat kanë investuar për të mirën e përbashkët. Në ceremoni ishin prezent më se 200 njerëz. Ndër mysafirët special që mbajtën fjalim të shkurtër dhe dorëzuan çmimet tek fituesit  ishin Presidenti i Kosovës, Fatmir Sejdiu; Shefi i ICO/EUSR, Peter Feith dhe zv.shefi i misionit të Ambasadës së SHBA-ve në Kosovë, Michael Murphy. Presidenti i Rockefeller Brothers Fund, Stephen Heintz i përshëndeti të pranishmit me një fjalim rasti.
FIDES çmimi për kontribut në nivel kombëtar e fitoi kompania Data Project Electronics, kompani kjo e cila ka përkrahur aktivitete me rëndësi shoqërore, duke filluar nga rinia, sporti, të pastrehët dhe fuqizimin e gruas në jetën shoqërore dhe publike në Kosovë. 

FIDES çmimi për kontribut në nivel lokal ku vepron kompania e fitoi kompania Sharrcem, kompani kjo e cila ka kontribuuar në përmirësimin e jetesës në komunën e Hanit të Elezit dhe Kaçanikut duke mbështetur aktivitete kulturore, artin, edukimin, infrastrukturën dhe rininë.
FIDES çmimi për kontributin e medieve e fitoi RTV 21 gjegjësisht emisioni “Edhe unë jam Kosovë”, emision ky që trajton jetën e skamnorëve në Kosovë duke dhënë një shtysë të fuqishme drejt interesimit të sektorit të biznesit në dhënien e ndihmës drejt familjeve skamnore, zbutjen e varfërisë si dhe luftën e të gjitha formave të diskriminimit. Që nga ky vit, tradita për mirënjohjen e kontributit për filantropinë kosovare do të jetë pjesë e vlerave të shoqërisë kosovare dhe ne të gjithë së bashku mund ta bëjmë që kjo traditë të jetojë përgjithmonë. Le të jetë FIDES një nxitje, frymëzim, motiv për të shtuar kujdesin tonë për vetveten dhe të tjerët. Le të jetë FIDES një derë e hapur për të gjithë ata që duan të kontribuojnë për të mirën e përbashkët. – ishin këto fjalë me të cilat u përmbyll kjo ceremoni.

Publikimet

Siguria në shkolla

http://fiqfci.org/repository/docs/Siguria_ne_shkolla_nje_mision_i_pamundur.pdf

Funksionimi i administratës publike

http://fiq-fci.org/repository/docs/Functioning_of_public_administration_and_opportunities_for_citizens.pdf

Ceremonia e dhënies së çmimit Fides

http://fiq-fci.org/?cid=2,19

http://fiq-fci.org/repository/docs/Booklet_press.pdf

Komunikatat për media

2 dhjetor 2009 – Ceremonia e dhënies së çmimit FIDES 2008-2009 për Filantropinë më të mirë korporatave në Kosovë, e mbajtur më 1 dhjetor në Prishtinë.

Financimi dhe Stafi

 
Falënderojmë:
 
National Endowment for Democracy (NED) dhe Balkan Trust for Democracy (BTD) për $ 45, 000 dhe $ 23, 000  në përkrahje të projektit  ‘Fuqizimi i mbikëqyrjes publike të sundimit të ligjit në Kosovë

I urojmë mirëseardhje:
 
Valdrin Grainca, Menaxher i Projektit të Mbikëqyrjes Publike